Принцот Вилијам и Кејт Мидлтон објавија нов портрет на нивниот најстар син ден пред прославата на неговиот роденден.
„Џорџ наполни 9 години“, стои на фотографијата објавена на официјалниот профил на Кенсингтонската палата.
Фотографијата е направена додека семејството било на одмор во Велика Британија, а на фотографијата принцот Џорџ носи сина поло маица.
Фотографијата е направена од војвотката од Кембриџ, која традиционално ги фотографира нејзините деца. Роденденски портрети имаа и нејзината 7-годишната ќерка Шарлот и 4-годишниот принц Луис.
Инаку, Кејт се занимавала со фотографија и пред да се омажи за принцот Вилијам во 2011 година во Лондон, а за време на пандемијата на коронавирусот организирала хуманитарен фотонатпревар „Како Британците се борат со здравствената криза“.
Кејт и принцот Вилијам планираат да се преселат од палатата Кенсингтон во нова резиденција на околу 30 милји западно во Беркшир, округот во кој се наоѓа главната резиденција на кралицата, замокот Виндзор. Беше најавено дека семејството ќе ја окупира Колибата на Аделаида на имотот Виндзор, но тоа сè уште не е потврдено.
Принцот Џорџ, принцезата Шарлот и принцот Луис наесен ќе започнат ново училиште.
George is turning 9! 🎂🎈 pic.twitter.com/3VmttlX8ui
— The Duke and Duchess of Cambridge (@KensingtonRoyal) July 21, 2022
