Светското првенство во фудбал во 2030 година би можело да се игра на Балканот. Останаа уште 72 дена до почетокот на престојното кое ќе се одржи во Катар и ова е првпат по 92 години од основањето на Мундијалот, да се игра во зимските месеци во ноември и декември, пренесува „Мондо.рс“.
Новата кандидатура за организација на еден од идните Мундијали би можело да значи ФИФА да мора повторно Светското првенство го помести за зимските месеци, затоа што и Саудиска Арабија е заинтересирана да биде домаќин.
Британски „Тајмс“ дознава дека Саудиска Арабија е подготвена да се кандидира за организација на Светското првенство 2030 година и тоа со заедничка кандидатура со Египет и Грција.
Со тоа би можело да се помести најважниот фудбалски турнир за крај на годината, поради големите температури во споменатите земји за време на летните месеци.
„Тајмс“ пренесе дека официјалната кандидатура се очекува во наредните недели, а Саудиска Арабија би била лидер во оваа кандидатура. Земјата би помогнала и за инфраструктурните трошоци што ќе треба да ги платат Грција и Египет.
Александар Чеферин неодамна рече дека УЕФА ќе направи сè за Мундијалот се врати во Европа и организацијата ја добијат Шпанија и Португалија. Има уште неколку кандидатури, меѓу кои и од земји од Јужна Америка, како Уругвај, Аргентина, Чиле и Парагвај, кои исто така сакаат да го вратат Мундијалот на тој континент, на 100 годишнината од првиот турнир во Монтевидео.
Беше споменато дека и Мароко може да се обиде да ја добие организацијата самостојно, но понудата од Саудиска Арабија има предност затоа што се работи за три земји од три различни континенти.
Тие би можеле да добијат поддршка од фудбалските сојузи од Азија и Африка, како и потенцијално некои европски земји.
На овој начин Саудиска Арабија би продолжила да купува големи спортски настани и да ги носи во својата земја, а особено би сакале да го организираат Светското првенство откако веќе големиот ривал Катар успеа да се избори за тоа.
Останува да се види дали второто Светско првенство за осум години ќе се пресели на Блискиот Исток и ќе го наруши целиот светски фудбал. Домаќинот на Светското првенство во 2030 година треба да биде избран најдоцна на Конгресот на ФИФА во 2024 година.
