Тамара Грујеска (12), која до сега пееше на познатите детски фестивали, сними песна од Роберт Билбилов, „Имам сила“. Роберт ги направи музиката и аранжманот, а текстот го напиша Тања Соколовска. Видеото го режираше Дарио Јанковиќ, а стајлингот го направи македонскиот дизајнер Златко Јовановски.
Тамара е седмоодделенка во основното училиште „Гоце Делчев“ од Гостивар, а учи и во основното музичко училиште „Енвер Стафаи” и свири пијано. Својот глас го усовршува во музичкото училиште на Андријана Јаневска, отсек соло пеење популарни светски жанрови, а зема и онлајн часови кај светски познатата вокална учителка Шерил Портер од САД.
Таа досега пеела на детските фестивали „Јаболчиња“, „Златно славејче“, „Езерски бисери“, „Ѕвездички“, но и „Шкољкице“ во Нови Сад, и Golden Stars Rain во Русија.
