На 1 март 2023, среда, во 20 часот, во „Синеплекс“, ќе се одржи светската премиера на првата епизода од најновата и прва македонска крими-драма „Бистра вода“, серија инспирирана од вистински настани.
Продуцент, сценарист и режисер на серијата е Јани Бојаџи.
Се снимаше на повеќе од 50 локации во Скопје, но и во државата. Ова е првата серија по подолго време во земјава, жанровски трилер со сериозни драмски елементи на крими-драма.
Актерската екипа ја сочинуваат над 70 актери од Македонија, меѓу кои Мони Дамевски, Јелена Жугиќ, Дејан Лилиќ, Зоран Љутков, Роберт Вељановски, Васил Зафирчев, Горан Стојановски, Владо Јовановски, Маја Љутков, Мето Јовановски, Јана Вељановска, Ирена Илиевска, Славица Манаскова, Рубенс Муратовски, Григор Јовановски и многу други.
Приказната во серијата е современа, исклучително актуелна, разработувајќи многу сегменти од општествениот, политичкиот и културниот живот во нашата држава во последните неколку децении.
