Српскиот актер Драгомир Бојаниќ Гидра, најпознат по својата улога на Жика во „Жикина династија“, уште од најраното детство доживеал огромни трагедии. Но тој никогаш не дозволувал да влијаат врз него, па преку своите улоgи уживаше да ги засмејува луѓето ширум поранешна Југославија.
Актерот во едно од своите интервју од почетокот на седумдесеттите години објасни како завршил во светот на глумата.
„По професија сум занаетчија. Имам квалификација стекната во Крагуевац, хемиско-технолошки отсек. Со актерство почнав да се занимавам по потреба на службата во крагуевската фабрика за конзерви . Потоа преку аматерскиот театар ‘Свети Младеновиќ’ дојдов во Народниот театар во Крагуевац, чиј член бев долго време“.
Откако се покажал како неверојатен талент, колегите од ансамблот на уметници во Крагуевац, каде што работел, со заеднички сили собрале пари за да замине во Белград и да се запише на академија. Тој се запишал уште при првиот обид, а во текот на првата година од студиите почнал да глуми на сцената на Народниот театар во Белград.
