По масакрот во основното училиште „Владислав Рибникар“, на социјалните мрежи се појавија застрашувачки видеа на кои се величи момчето убиец, но последниве денови тој тренд станува се поморбиден, па во коментарите ги молат да престанат .
Сега на Тик ток има актуелен филтер со кој децата од регионот, но и од странство избираат меѓу момчето убиец и неговите жртви.
Тие кратки видеа на социјалната мрежа изгледаат вака: на едната страна се 10-те жртви од „The Pond“, а на другата е момчето убиец. Тогаш авторите на видеото, движејќи ги главите лево или десно, избираат кој за нив го претставува „кралот“.
Го користат најмногу луѓе од регионот, но меѓу нив и странци кои, без разлика дали знаат за што се работи или не, од смеење го избираат и величаат момчето убиец.
Во коментарите на тие видеа нормалните луѓе апелираат да престане оваа морбидна практика.
„Ти треба помош!“, „Тоа е нечија сестра, нечиј брат, нечиј најдобар пријател“, „Кој ќе повика полиција!?“, се дел од коментарите, нема одговор од авторот на видеата.
Како што може да се види на едно од видеата објавени од очигледно малолетно девојче, таа има фотографии од жртвите и момчето убиец над главата. Девојчето ги затвора очите, се насмевнува и ја врти главата на страна со сликата на момчето убиец, додека од другата страна наизменично се менуваат фотографиите на жртвите.
Дали странците воопшто знаат за што се работи се уште не е сигурно, но забележливо е дека во таговите под објавите често се среќаваат името на момчето убиец.
Трагедија во Србија се случи на 3 мај во Белград, во Врачар, кога ученик од седмо одделение со пиштолот на својот татко влегол во училиштето „Владислав Рибникар“ и уби деветмина негови врсници и училишниот чувар. По неколку недели од масакрот почина уште едно дете кое беше тешко повредено во масакрот.
