Холивудскиот актер Шон Конери почина на 90-годишна возраст на 31 октомври 2020 година, а неговата Мишелин беше неговата најголема животна поддршка четири децении.
Шон и Французинката Мишелин имале интензивна и страсна љубов која започнала кога се запознале во 1970 година на голф турнир во Мароко, откако Шон се развел од својата прва сопруга.
Сеќавајќи се на нивната прва средба, Мишелин – која имала двајца сопрузи пред Шон – изјавила за „The Sun“ во 2011 година дека не знаела дека тој е актер од А-листата. Мишел раскажала како ја забележала убавата градба на Шон, но не знаела кој е тој, ниту било што за него. „Следниот ден се вратив на турнирот и тоа беше тоа“, изјавила таа своевремено.
На почетокот на нивната врска, парот не зборувал ист јазик. Мишелин, која течно зборува шпански и француски и разбира арапски, кажала дека тоа не било проблем за вљубените парови“. „О, немавме проблеми со комуникацијата – нашите тела зборуваа“. Шон и Мишелин се бореле да се видат во раните фази од нивната романса додека живееле на различни локации.
„Во раните денови ни беше тешко да се гледаме. Таа сè уште живееше со своите деца во Северна Африка“, изјавил Шон. Но, тоа не било пречка за нивната љубов, па на крајот започнале заеднички живот на Бахамите. Откривајќи дека нивната љубов е силна, актерот за својата сопруга изјавил: „Мишелин е неверојатна жена. Таа е љубовта на мојот живот.
Нивната љубовна приказна траела 40 години, сè додека актерот не се разболел и починал на 90-годишна возраст во семејната куќа, држејќи ја за рака својата сакана.
Скршена од болка, Мишелин само успеала да каже дека сè било како што сакал тој и дека во ниту еден момент не се одвоила од него.
