Пред точно 25 години, Бритни Спирс ја објави песната Baby One More Time која ги освои музичките топ листи и и обезбеди место на А-листата на светски музички ѕвезди.
Бритни Спирс е една од најпознатите поп пејачки на денешницата, а песната која ја издигна на топ листите денес слави точно 25 години.
Во тоа време 16-годишната Бритни одела во средно училиште и единствена желба и била да го напушти местото каде што живеела. По неочекуваниот успех на песната, желбата и се исполни бидејќи преку ноќ стана најголемата поп ѕвезда на светот.
Песната Baby One More Time е креирана од продуцентот Макс, а песната првично воопшто не била наменета за младата Бритни. Имено, Мартин ја посвети песната на познатата група TLC. Меѓутоа, девојките од групата одбиле да ја снимат песната, а Мартин потоа ја испратил песната до издавачката куќа Jive Records, со која Бритни потпишала договор.
Меѓутоа, оригиналниот наслов на песната Hit Me Baby One More Time создаде проблем. Дискографската куќа беше загрижена дека публиката може да помисли дека песната е за насилство. И тогаш се сетија и го исфрлија „Hit Me“ од насловот.
Бритни отпатува во Стокхолм во март 1998 година за да го сними вокалниот дел од песната. На првиот ден од снимањето таа имаше страв од сцената, па снимките не испаднаа како што планираше, но во вториот обид таа одлично го сними вокалот.
„Знаев дека е одлична песна. Таа беше поинаква и ми се допадна“, изјави пејачката во една прилика.
Ролинг Стоун тогаш изјави дека песната е меѓу најдобрите поп песни на радио во изминатиот период, додека Entertainment Weekly ја опиша песната како бонбона поп со фанки ритам. Песната го зазеде првото место на табелата Billboard Hot 100 и таму остана две недели, а спотот за песната се пушташе деноноќно на тогаш мегапопуларната MTV.
Инаку, Бритни во голема мера го дизајнираше видеото со помош на режисерот Најџел Дик, кој претходно работеше со Guns N’ Roses и Oasis, а таа самата ја избра облеката за спотот.
Спотот е снимен во август 1998 година во средното училиште во Венеција и многу влијаеше на популарноста на песната, која сега е еден од најголемите хитови во историјата.
Бритни денеска ги објави своите мемоари The Woman in Me, во кои ќе зборува за еден од најтешките моменти во нејзиниот живот, врската со Џастин Тимберлејк во која ја заврши бременоста, врската со нејзиниот татко кој ја малтретирал и славата која беше на својот врв, а потоа наеднаш падна.
