Лепа Брена го скрши скочниот зглоб на еден од концертите што ги одржа во Загреб во декември минатата година кога врз неа падна снимател. Таа сега за Екстра ФМ изјави дека по несреќата најпрвин сакала да дознае во каква состојба е камерманот, а решила да оди во болница дури откако дознала дека не е тешко повреден.
„Ги замолив да ми кажат што се случи со камерманот затоа што навистина се исплашив за него. Тој е млад дечко, 25 години. Не ми се допаѓа кога нешто му се случува на некој од мојата екипа. Кога ми рекоа дека е добро, дека има малку модринки, но дека е добро, реков: Дај ми да испијам една пијачка, да се опуштам и смирам, па носете ме во болница“, откри 64-годишната пејачка.
@extrafm U ekskluzivnom razgovoru za Extra FM, @LepaBrena pričala je o nezgodi koja joj se dogodila na zagrebačkom koncertu, kako je odlučila nastaviti koncerte, fazi oporavka,… Cijeli video dostupan je na našem kanalu ✨ #lepabrena #extrafm #zagreb #radio #radioshow #radiostation #interview #arenazagreb #concert #fyp #foryoupage ♬ original sound – Extra FM
Потоа опиша како изгледало денот по операцијата.
„По операцијата, кога се намали адреналинот, ми дадоа нешто да ме смири бидејќи тоа беше страшен шок. Буквално спиев цел ден и цела ноќ. Дури следниот ден некако се вразумив и станав свесна за се што можеше да се случи со него и мене“, вели таа.
„Сè уште не можам да го гледам видеото како паѓа, а јас излегувам, бидејќи веднаш сакам да заплачам. Дури и сега, кога ќе се сетам, тоа е болен момент за мене“, додала Брена.
