Принцот и принцезата од Велс нема да им се придружат на кралот и кралицата на традиционалното велигденско собирање на кралското семејство во замокот Виндзор.
Принцот Вилијам и Кејт наместо тоа ќе го поминат велигденскиот викенд со своите деца во нивната селска куќа во Норфолк, пишува „Мирор“.
Принцот го информирал кралот за својата намера да го пропушти годишниот собир, на кој се очекува да присуствуваат неколку високи членови на кралското семејство, со цел, според неименуван извор, „да ужива во дополнително време како семејство за време на Велигден“.
Изворот додаде: „Тие решија да поминат време заедно како семејство пред децата да се вратат на училиште.“
Тие не присуствуваа ниту на минатогодишната служба, бидејќи тоа беше само неколку недели откако на принцезата ѝ беше дијагностициран рак.
Кралски извор изјави дека принцот од Велс го информирал кралот за својата намера да не присуствува на службата, на што кралот се согласил, дозволувајќи им на двојката да ги помине велигденските празници со своето семејство.
Кралот, како поглавар на Англиканската црква, која Вилијам еден ден ќе ја предводи кога ќе стане монарх, ќе го предводи кралското семејство на велигденска служба во замокот Виндзор во недела.
Се очекува принцезата Ана и нејзиниот сопруг, вицеадмиралот Сер Тим Лоренс, како и војводата и војвотката од Единбург, да присуствуваат на службата.
Принцот Ендру и неговата поранешна сопруга Сара Фергусон беа изненадување на велигденската утринска служба во капелата „Свети Ѓорѓи“ во Виндзор минатата година.
Принцезата од Велс продолжува со постепеното враќање на кралските должности откако ѝ беше дијагностициран рак минатиот февруари.
