Џенифер Анистон во текот на нејзината кариера мораше да патува на еден куп различни дестинации ширум светот. Но, изгледа дека не и било баш пријатно со тоа, бидејќи во интервју за Travel + Leisure откри дека има огромен страв од летање.
Поради овој страв, развила малку необична рутина – прво го допирала авионот со десната дланка, а потоа со десната нога ќе стапнела по скалите. Помош нашла во хипнозата: „Во последно време одам на хипноза, а едно од барањата е да се ослободам од овие суеверија“.
„Веќе не го правам тоа со десната рака и нога – и сега се чувствувам изненадувачки добро!“, додаде таа. Таа го поминува времето за време на долгите летови со медитација, а редовно станува и прави кратка прошетка за да се истегне.
Открила и една навика на која сè уште работи, а тоа е да пакува премногу работи. Таа се пошегува дека на пријателите им прави услуга со тоа што им дозволува да позајмуваат работи од неа.
