Ако самото кафе не содржи шеќер, кофеинот во него може да влијае на чувствителноста на инсулин и хормоните на стрес, особено кога се консумира на празен стомак. Пиењето вода пред кафе е едноставна навика што може да помогне за подобра стабилност на гликозата, особено наутро.
Во комбинација со паметен избор на храна и персонализирано следење, оваа мала промена би можела да биде корисна алатка за оние кои го контролираат шеќерот во крвта.
Kако кафето влијае на шеќерот во крвта?
Самото кафе не содржи јаглехидрати, па затоа не го зголемува веднаш шеќерот во крвта. Сепак, кофеинот во кафето може да има индиректен ефект:
– стимулира ослободување на адреналин, што може да предизвика краткорочно зголемување на шеќерот во крвта
– ја намалува чувствителноста на инсулин, што значи дека клетките привремено можат помалку ефикасно да ја апсорбираат гликозата
Тоа влијае повеќе кај луѓето со инсулинска резистенција или дијабетес тип 2 отколку кај оние со здрав метаболизам.
Треба да се напомене дека ефектот на кафето врз шеќерот во крвта варира од личност до личност, а фактори како што се видот на кафе, здравјето на цревата, па дури и квалитетот на спиењето можат да влијаат на одговорот на телото.
Што се случува со шеќерот во крвта ако пиете вода пред кафе?
Експертските мислења сугерираат дека пиењето вода пред кафе може да помогне во ублажување на гликемискиот одговор од неколку причини:
– подобрата хидратација поддржува подобра функција на бубрезите и црниот дроб, што е важно за регулирање на гликозата
– започнувањето на денот со вода, особено на празен стомак, го подготвува дигестивниот систем за дојдовниот кофеин
– хидратацијата помага во намалувањето на ефектот на кофеинот врз хормоните на стрес – како што се кортизолот и адреналинот, за кои е познато дека го зголемуваат шеќерот во крвта.
Во овој поглед, луѓето кои доживуваат утрински скокови во шеќерот во крвта може да имаат корист од пиење од 250 до 500 милилитри вода, 15 до 30 минути пред првото кафе.
Совети за консумирање кафе и контрола на шеќерот во крвта
Пијте вода веднаш по будењето и пред кафе.
Изберете обично кафе – на овој начин ќе избегнете непотребни скокови на гликоза
Избегнувајте кафе непосредно пред оброците ако има скокови на гликоза по оброкот
Комбинирајте кафе со избалансиран појадок – влакна, протеини, масти, за да ги намалите ефектите
Зошто кофеинот има ваков ефект?
За потсетување, сè поголем број истражувања сугерираат дека луѓето со дијабетес тип 2 реагираат различно на кофеинот – тој може да го зголеми нивото на шеќер во крвта и инсулин кај оние со оваа болест.
Научниците сè уште истражуваат како кофеинот влијае на инсулинот и нивото на шеќер во крвта, но веруваат дека тоа е затоа што кофеинот ги зголемува нивоата на одредени хормони на стрес, како што е епинефринот (исто така наречен адреналин). Епинефринот може да ги спречи клетките да преработуваат доволно шеќер, а исто така може да го спречи телото да произведува доволно инсулин.
