Познатата актерка Кетрин Зета-Џонс (56) се појави на големата трка во Формула 1 за Големата награда на Лас Вегас заедно со својот сопруг Мајкл Даглас (81) и нивниот син Дилан.
Ова холивудско семејство е едно од најпознатите, и иако никој не им предвидуваше светла иднина поради разликата во годините, тие го издржаа целиот притисок.
Кетрин, како и обично, блескаше во навидум едноставна модна облека, но толку ефективна. За оваа пригода, актерката избра црни прави панталони и црна кошула, а за да ја „разбие“ монотонијата, облече бело сако.
Чантата од Шанел, брановидна коса и шминка што особено ги нагласува нејзините очи, сето ова заедно придонесе Кетрин да изгледа уште посовршено од вообичаено, но и помладо.
Навикнати сме Кетрин Зета-Џонс секогаш да блеска на настани, особено на црвениот тепих што бара елеганција на највисоко ниво, но сега таа покажа дека може да доминира дури и на спортски настан за кој се доволни некои „пообични“, лежерни комбинации.
фото: принтскрин
