Веќе некое време се шпекулира дека Мајли Сајрус и Макс Морандо ја официјализирале својата четиригодишна врска. Двојката никогаш не коментирала за овие обвинувања, бидејќи ретко коментираат за својот приватен живот пред медиумите.
Сепак, сè стана повеќе од јасно кога Мајли, во придружба на своето момче, се појави на премиерата на „Avatar: Fire and Ash“.
За таа пригода, таа носеше гламурозен црн фустан, но најголемо внимание привлече златниот прстен на нејзиниот прст. Потоа гласините станаа посилни, а Мајли немаше друг избор, па мораше да „пропее“.
Miley Cyrus Sparks Engagement Rumors After Flaunting Diamond Ring at ‘Avatar: Fire And Ash’ Premiere#MileyCyrus #AvatarFireAndAsh https://t.co/qDc5NAiCkj
— Popcorn Realm (@PopcornRealm1) December 3, 2025
Таа ја потврди веста за нејзината свршувачка за списанието „Пипл“, велејќи го следново:
„Сè што можам да споделам е дека нашата приватност и фактот дека успеавме сè да чуваме во тајност е нешто што навистина ме воодушеви – тоа што воопшто можев да ја имам, како и можноста да бирам што сакам да споделам“, откри таа. „Мислам дека тоа е и затоа што сум постара, па затоа сум заштитнички настроена кон она што сакам да го откријам на јавноста“, заклучи таа.
Извори блиски до пејачката изјавија дека таа конечно е среќна во љубовта и дека го пронашла вистинскиот.
„Пријателите се среќни за Мајли бидејќи Макс е навистина добар човек, а не типичен човек што го брка.“ Друг извор додава дека Морандо добро се вклопил во нејзиното познато семејство, а особено е сакан од мајката на Мајли, Тиш.
„Тиш го познава доста добро и многу го сака. Таа вели дека е создаден за Мајли. Се сложуваат одлично. Таа е многу среќна за тоа.“
Претходно Мајли Сајрус беше во турбулентна врска со актерот Лиам Хемсворт од 2009 година, која подоцна беше крунисана со брак во 2018 година. Сепак, славниот пар се разведе само една година подоцна, во 2019 година.
Таа ги откри и причините за разводот.
