Петнаесет локални организации утре ќе се соберат на едно место во Битола, каде што пред посетителите ќе ги претстават своите мисии, активности и можности за вклучување во заедницата.
Настанот „Битола се поврзува“ ќе им овозможи на младите подобро да се запознаат со работата на локалните организации, да откријат нови можности за волонтирање и активно учество, како и да го пронајдат своето место во заедницата.
„Од работа со млади, култура и образование, до заштита на животната средина и социјални иницијативи – ‘Битола се поврзува’ ви дава можност подобро да ги запознаете организациите што секојдневно придонесуваат за заедницата“, порачуваат организаторите.
Настанот го организираат Младинскиот центар Битола и Општина Битола, а ќе се одржи утре, 26 септември, во Офицерскиот дом, од 11:00 до 18:30 часот.
