Борачите на ШКУПИ се враќаат од Балканското првенство во Копривница, Хрватска, со три медали — златен, сребрен и бронзен. Меџити им го честиташе успехот на младите спортисти, истакнувајќи дека достојно ги претставиле клубот, Чаир и репрезентацијата на Македонија.
Харун Мемеди ја освои шампионската титула во категоријата до 38 килограми, искачувајќи се на највисокото место на подиумот и закитувајќи се со златен медал.
Абдул Азиз Азизи освои сребро во категоријата до 62 килограми, додека Мирах Мустафа го надополни успехот со бронзен медал во категоријата до 55 килограми, во конкуренција до 17 години.
Меџити посочи дека освоените медали се резултат на трудот, дисциплината и борбениот дух на младите борачи. Признание им упати и на тренерите Јасин Реџалари и Бунјамин Ебипи, кои го подготвија и го предводеа тимот на првенството.
„Честитки, шампиони! Од Чаир до балканскиот подиум, со крената глава!“, порача Меџити.
