Српскиот актер Славко Штимац веќе неколку дена е во Военомедицинскиот центар „Карабурма“ поради компликации од Ковид-19, но закрепнува, пишуваат локалните медиуми.
Тој пред 10 дена бил примен во болница поради воспаление на белите дробови, кое било предизвикано од коронавирусот.
„Штимац е сместен на ВМЦ поради пневмонија. Неколку дена беше на кислородна поддршка, но, за среќа, неговата здравствена состојба е подобра и не бара тој да биде на интензивна нега. Речиси целосно закрепна од воспалението на белите дробови и за неколку дена би требало да го пуштат дома“, рекол извор од болницата за „Курир“.
Штимац, кој е роден на 15 отомври 1960 година, се прослави со филмовите „Ко то тамо пева“, „Сечаш ли се Доли Бел“, „Варливо лето“, „Игмански марш“ и други.
