Момчило Бајагиќ Бајага (61), стана дедо. Тој откри дека на крајот на минатата година сопругата на неговиот син Марко се породила и добила ќерка.
„Така е, станав дедо. Имам убава внука Сара и сега животот ми е порелаксиран. Не кријам дека станав дедо, но едноставно избегнував досега да зборувам за мојот приватен живот“, рече Бајага.
За потсетување, фронтменот на „Инструктори“ годинава ќе биде дел од домашниот евровизиски избор, и тоа како текстописец во две песни. Првата е „Две години и шест дена“ што ќе ја пее групата „Бибер“, , а втората е „Само не вели дека љубиш“ со која ќе настапи Душан Свилар.
