Лепа Брена на свадба кај ќерка на хрватски бизнисмен пеела за 30.000 евра, пишуваат српските медиуми.
Според пишувањето, нејзиниот настап на приватни забави е убедливо најскап. Настапот на Лепа Брена траел до по полноќ. Гостите ја поздравиле со аплауз, пееле и играле на нејзините песни, а многумина и се фотографирале со пејачката.
На свадбата за претприемачката Мартина Равлиќ Маријановиќ, која е ќерка на успешен хрватски бизнисмен, покрај Лепа Брена пеел и хрватскиот пејач Петар Грашо. Извор од музичката индустрија за Јутарњи вели дека тој не настапува премногу на приватни забави, туку претпочита да доаѓа на свадби и да пее песна или две.
„Грашо ти ги плаќа десетте минути што ќе ги пее, ни помалку ни повеќе од 2.000 евра“, тврди изворот.
Инаку, на интернет може да се најде и веб-страницата на агенцијата Ларис од Загреб, со чија помош може да се ангажира музичка или друга ѕвезда.
Како што неодамна објави „Слободна Далмација“, Северина сака да пее на приватни забави и свадби, но исклучиво во Црна Гора. Цената на нејзиниот настап не е универзална, туку се договара поединечно. Заедно со Лепа Брена, едни од најскапите настапи се оние на Аца Лукас и Халид Бешлиќ, а нивните цени се движат од осум до десет илјади евра. Популарниот Харис Џиновиќ е само малку поевтин, со цена од 5.000 евра.
