Хрватскиот пејач Тони Цетински во едно скорешно интервју проговори за дуетот што во 2005 година го сними со Тоше Проески. Тој, како и многупати претходно, рече дека со Тоше биле добри пријатели.
„Сакам да им помагам на помладите. Јас го немам тоа его и проблем дека некој ми е закана со својата младост или талент. Тоа беше најактуелно прашање кога ја снимив дуетска песна со Тоше Проески. Некои се прашуваа како и зошто. Зошто не би направил дует со некој што убаво го пее. А потоа таа соработка прерасна во пријателство, што траеше до неговата смрт“, вели Цетински.
Тони во интервјуто додал и дека отсекогаш сакал да соработува со помлади музичари и дека не е суетен човек.
„Ваквиот начин на размислување е старомоден. Некои постари пејачи се држат до тие принципи и внимаваат некои помлади да не ги покријат со своето пеење. Тоа ми е туѓо, јас не знам да функционирам така“, рекол Цетински.
