Пред три недели Миломир Мариќ изјави дека Зоран Марјановиќ ќе биде уапсен ако влезе во шоуто „Задруга“, а по апсењето на Марјановиќ, уредникот на телевизијата „Хепи“ рече дека не е видовит туку само логично размислувал.
Целата приказна од почеток изгледа многу мистериозно и некако логичен е заклучокот дека Зоран наскоро ќе биде уапсен.
Новото форензичко испитување укажува на тоа дека Јелена не е убиена на насипот. Приказната за тоа како таа трчала па некој случаен минувач ја убил уште од почетокот изгледаше празна и целосно неуверлива. Очигледно е дека е убиена некаде на друго место и донесена на насипот, и дека во сето тоа учествувале повеќе лица, а трагите се скриени на различни начини“, изјави Мариќ и додаде дека стигнал до нови сознанија во истрагата.
„Инспекторот кој го води случајот е сменет пред неколку месеци и од тој момент злосторството почна да се расплеткува. Некој, се чини, се обидел да ги сокрие трагите. Зошто го сторил тоа, никој не знае, само знам дека Зоран Марјановиќ не е некоја важна личност за инспекторот да го направи тоа поради него“, убеден е Мариќ.
