„Молчев пред судот, но сега ќе кажам сѐ“ – убиецот на Аркан ги открива деталите од бегството

By

Драган Николиќ Гаги, кој во ексклузивната исповед за српски „Курир“ призна дека учествувал во подготовките за убиството на Аркан, до последен детаљ ја опиша ликвидацијата во хотелот „Интерконтинентал“ на 15 јануари 2000 година.

dobivaj vesti na viber

Иако пред судот тврдел дека за случувањата во белградскиот хотел не знае ништо, по 7 години одлучил да проговори и да каже сѐ што знае за случувањата, за ликвидацијата, детали за убиството, но и бегањето од Србија, криењето и апсењето во Виена.

„Молчев пред судот и не ја кажав вистината. Ќе кажам што се случуваше, па нека се суди и цени. Одлучив да проговорам за тоа како се најдов во целата ситуација, кој ми беше мотивот да се впуштам во такво нешто“, објаснува Гаги за причината поради која по 17 години одлучил да раскаже сѐ што знае за тројното убиство во белградскиот хотел.

Тој вели дека не бил во „Интерконтинентал“ за време на убиството, но дека е запознаен со секој и најситен детаљ од она што се случувало на кобниот ден.

„Вистината е поинаква од она што го пишува во обвинението и пресудата поради кои сум во затвор 14 години и речиси 5 месеци. Шпекулациите за случувањата во ‘Интерконтинентал’ траат веќе речиси две децении. Сѐ што ќе кажам е веродостојно и имам материјални докази. Некои од нив не се користени пред судот, но јас ги поседувам“, ја почнува својата шокантна исповед Драган Николиќ, кој казната од 30 години затвор ја служи во Забела.

Неговиот кум Добросав Гавриќ, кој пукал во Аркан и неговите пријатели, поради што е осуден на 35 години затвор, уапсен е во Јужна Африка, додека Милан Мики Ѓуричиќ е третиот осуден на казна од 30 години, но веќе 11 години е во бегство.

„Не знам кој ден точно беше во 1999 година. Знам дека беше ведро и сончево. Бев во сива тојота, која ја возеше мојот кум, инаку полицаец во полициската бригада. Бевме на пат кон Војводина кога ме повика сега покојниот Зоран Ускоковиќ Сколе, со кого бев долгогодишен пријател“, се потсетува Николиќ.

Како што вели, од тој повик сфатил дека се случува нешто важно бидејќи морале веднаш да се упатат на местото на состанокот.

„Ми рече итно да дојдам во ресторанот ‘Двор’ во Раковци. Знаев дека е нешто итно. Свртевме и отидовме во споменатиот ресторан. Гавриќ остана на приземје со полицаецот Дејан Питулиќ, кој работеше како обезбедување на Сколе. Јас се качив на кат во една канцеларија во која седеа Скеле, покојниот Бранко Јевтовиќ – Јорга и човекот чие име не сакам да го споменам“, се потсетува Николиќ на почетокот на целата приказна.

„Пред тоа имавме коректни односи со Жељко Ражнатовиќ, Сколе дури беше и воодушевен од него толку многу што почна да го имитира. Летото 1997 година му реков: ‘Познавајќи го Аркан, знам дека блискоста со него многу чини’, особено бидејќи на Сколе му дозволи да се одзива на негово име. Му реков дека порано или подоцна ќе дојде до кавга. Сколе беше изненаден, но уште тогаш му кажав дека кога ќе дојде до тоа ќе бидам со него. Така и беше“ – вели Гаги.

Тој го опишал и бегството преку Романија до Австрија, во чија престолнина бил и уапсен. По долги години поминати со адвокатите ја подготвувал и одбраната на Добросав Гавриќ, кој освен Аркан, ги убил и Миленко Мандиќ и Драган Гариќ.

Тој вели дека за време на криењето во Будимпешта во 2000 година го посетувале Сколе и Андрија Драшковиќ со адвокатите, но и дека повремено се гледале.

„Неколкупати се видов со Бранислав Лаиновиќ. Еднаш јас и мојата сопруга седевме во кафуле на две нивоа. Мојата жена замина, а тој ми рече: ‘Гаги, постар сум од тебе и ти посакувам добро. Имам пет сина, верувај ми, ти треба адвокат. Пушти ги приказните. Имам пријателка, се вика Маја Гојковиќ. Сака да те брани’“ – обелодени Гаги.

Наскоро повеќе од целата исповед на Драган Николиќ.

 

Ќе ви се допадне

AnimeDao - Watch English Subbed Anime Online | AnimeDao Official. AnimeDao provides you a free anime streaming platform with little to no Ads for better viewing experience.

anime sites AnimeDao My Hero Academia Season 3

watch animes Mother of the Goddess’ Dormitory

free anime AnimeDao TSUKIMICHI -Moonlit Fantasy-

AnimeDao My Hero Academia Season 2 (Dub) Episode 22

anime website Jimihen!!: Jimiko wo Kaechau Jun Isei Kouyuu!!

tải go88