Српскиот глумец Мирко Бабиќ, кој во јавноста е најпознат по улогата на Драгојло во серијата „Село гори, а баба се чешла“, вчера почина на 72 години, пишуваат српските медиуми.
Мирко Бабиќ е роден во Крагуевац. Дипломирал на белградската Академија за театар во 1973 година. Носител е на многубројни награди за својата работа, меѓу кои е и статуетката „Јоаким Вуиќ“, која се доделува за исклучителен придонес во театарската уметност. Исто така, носител е и на признанието „Заслужен граѓанин на градот Крагуевац“, најголемото признание што може да го добие еден крагуевчанец.
Пошироката јавност најмногу го памти по улогата на Драгојло во серијата „Село гори, а баба се чешла“, а ќе остане најзапаметена неговата позната реплика: „Мислам, немој да се лутиш“.
