Познатиот хрватски глумец Мартин Сагнер почина синоќа на 88-годишна возраст. Јавноста најмногу го памети Сагнер по улогата на Андрија Каталениќ Дудек од култната серија „Грунтовчани“.
Сагнер починал по кратка и тешка болест. Роден во Новиград Подравски во 1932 година. За време на неговата актерска кариера, тој има остварено десетици улоги во филмови и серии, а го позајмуваше гласот и во анимирани филмови.
