Саша Поповиќ го ограбил близок пријател од естрадата?

By

Непознати крадци упаднале синоќа во вилата на Саша Поповиќ и го украле сефот заедно со уште 10 часовници вредни повеќе од 100.000 евра. Во грабежот однеле и помала количина на накит, како и важна документација од сопственикот на „Гранд“, која се наоѓала во касата. Полицијата трага за разбојниците кои на спектакуларен начин упаднале во куќата со кошаркарски терен, а се верува, дека тоа би можел да биде некој од естрадата кој бил близок до Поповиќ.

Крадците со недели го следеле ова семејство, затоа што знаеле дека за време на грабежот во куќата нема да има никој, а дури имале и информација дека нивната ќерка Александра ќе го слави својот 19 роденден.

„Постои сомнеж дека Поповиќ типува на некој близок од неговото опкружување, можеби дури и пријател од естрадата. Знаеле точно кога нема да бидат дома, како да влезат во дворот, а истовремено да го заобиколат обезбедувањето, алармот и камерите, како и тоа каде се наоѓа сефот и што има во него. Токму поради тоа, оперативците на полицијата испрашувале повеќе јавни личности кои биле во контакт со Поповиќ. Исто така ги прегледале сите камери од околните куќи кои можеле да откријат повеќе околу овој грабеж“, велат извори од истрагата.

„Саша Поповиќ во четвртокот бил во Хрватска, во Опатија, каде има куќа, а неговата жена Сузана, поголемиот ден од денот била на снимање на новата емисија кај Ли Киш на Гранд телевизија. Синот Даниел работел во Гранд, додека ќерката славела во друштво“, вели извор од истрагата.

 

 

Разбојниците дознале дека не можат да влезат преку главниот влез затоа што тука се наоѓал портирот и тој дел од дворот бил обезбеден и покриен со камери. Но, се верува дека тие во куќата упаднале од другата страна, каде се наоѓа фудбалскиот терен, како и просторот за вежбање.

Се претпоставува дека разбојниците понеле и скали.

„Со оглед на тоа дека ѕидот од таа страна е висок повеќе од четири метри, се верува дека крадците со помош на скали го минале ѕидот и жичната ограда, па низ дворот упаднале во куќата“, додава изворот.

Полицијата верува дека овие професионалци го знаеле секој нивен чекор.

„Поради тоа што од вилата е украден само сефот, очигледно знаеле каде се наоѓа, како и тоа што има во него. Покрај 10 скапоцени часовници и нешто семеен накит, тука биле и разни важни документи, договори од Гранд продукцијата, договори од осигурувања и слично. Дури не се ни обиделе да го отворат сефот, туку го откорнале од ѕидот и го однеле“, открива изворот.

 

Ќе ви се допадне