Се породи Ана Савиќ, пејачката третпат стана мајка

By

Српската пејачка и водителка Ана Савиќ денеска се породи во родилиштето „Народен фронт“ и роди син, објави српскиот портал „Република“. Ова е нејзино трето дете, таа претходно ја доби ќерката Сена со партнерот Даниел Недељковиќ, со која се породи во декември 2020 година, како и ќерката Лорена, која ја доби во бракот со фолк-пејачот Дарко Лазиќ.

dobivaj vesti na viber

Пејачката во неодамнешното интервју за „Блиц“ зборуваше за тоа како се чувствува во поодмината бременост. Таа тогаш истакна дека не се смета себеси за разгалена трудница и дека бременоста не ѝ е тешка.

„Фала му на Бога, ниедна бременост не ми е тешка. Генерално, многу сум активна, ништо не ми е тешко и на шега можам да кажам дека кај мене блажена состојба ќе ми биде кога нема да бидам бремена бидејќи сум бремена веќе две години“, изјави Ана за „Блиц“ и додаде дека со Даниел ќе добијат син.

Ќерката Сена, која ја доби со Даниел, имаше само една година, но пејачката и покрај бременоста, успеа да балансира сè и да им се посвети на двете ќерки.

„Понекогаш се форсирам бидејќи не сум некој што знае да одмори. Секако, ми се случува да се онесвестам од замор бидејќи не можам да станам и да ја повлечам раката или да легнам и да одморам. Лорена оди на училиште, а Сена е енергична девојка, која го истражува и го запознава светот околу себе, но нивните насмевки прават сè да е полесно“, рече тогаш Ана и призна дека Лорена ѝ помага со помалата ќерка: „Тие две имаат посебен вид љубов и јас секогаш се топам кога ќе ги видам тие прегратки и односот што го имаат“.

Ќе ви се допадне