Хрватскиот пејач Тони Цетински објави дека по една ипол година, наскоро ќе тргне на турнеја низ поранешните југословенски републики. Ова ќе биде продолжение на турнејата „Само љубов“ што мораше да ја прекине поради пандемијата.
„Одлични вести, датумите за јули и август се скоро исполнети. По една ипол година пак ќе се дружиме. Турнејата продолжува. Ви благодарам Хрватска, Словенија, Македонија, Црна Гора и Србија. Ма, ви благодарам на сите што покажавте љубов кон тоа што го правиме. Едвај чекам да се видиме, наскоро ќе ги објавиме сите градови и датумите кога ќе настапуваме“, напиша Тони на Фејсбук.
Цетински е еден од првите музичари во регионот кој најави дека тргнува на турнеја и дека конечно ќе почне со настапи во живо.
