Научниците одлучија од 2035 година да се укине престапната секунда

By

Меѓународното биро за тегови и мерки на состанокот во Версај речиси едногласно гласаше за „Резолуцијата Д“, во која е предложено практиката за престапната секунда се прекине од 2035 до 2135 година.

dobivaj vesti na viber

Многумина знаат за престапната година, односно година во која февруари трае еден ден подолго, но малку знаат за престапната секунда која им предизвикува проблеми на технолошките компании.

Така сајтот „Редит“ во 2012 година паднал на 40 минути кога престапната секунда им пречела на нивните сервери, а компанијата Cloudflare во 2017 година ја посочи престапната секунда за уравање на нивните DNS сервиси. Претходно оваа година компанијата „Мета“ на својот блог побара да се укине оваа практика.

На задоволство на голем број компании во технолошката индустрија, тоа и ќе се случи, затоа што глобалната комисија на научници и претставници на владата гласале за укинување на престапната секунда. Сите се надеваат дека за целиот овој период ќе се смисли подобар систем за синхронизирање на времето.

За неа одлучува Меѓународната служба за ротација и референтен систем (IERS), која тоа го прави шест месеци однапред. Воведена е во 1972 година, за да се прилагоди координираното универзално време поради несогласувањето на атомското и соларното време.

За потсетување, правилото по кое на февруари му додаваме еден ден е многу едноставно. Доколку годината е делива со 4, во прашање е престапна година (исклучок е годината делива со 100, но не со 400). Сепак ова правило не важи за престапната секунда поради благите промени во Земјината ротација.

Ќе ви се допадне