Бен Афлек е во тешка состојба откако пред месец дена ја прекинал врската со кубанската глумица Ана де Армас, пренесуваат светските медиуми.
Анонимен извор, близок до глумецот, за магазинот Women’ Day открива дека двојката прекинала пред еден месец, а тоа толку го скршило глумецот што тој прекинал да јаде и буквално изгладнувал.
Изворот вели Бен беше среќен со Ана по разводот од глумицата Џенифер Гарнер и лечењето од зависност од алкохол.
„Тој мислеше дека ја најде среќата и дека, конечно, му тргна во животот, но не испадна така“, открива изворот.
Нивниот однос стана напнат кога шефовите на студиото што го снимаа новото продолжение на „Џејмс Бонд“, во кој Ана сакала да глуми, ја одбија за улогата со образложение дека наводно не изгледала визуелно добро за франшизата на Бонд и не била добредојдена на црвениот тепих.
„Од тој момент Ана почна да го доживува Бен поинаку, а тој тоа го почувствува на своја кожа. Премногу се врза за неа и сакаше да го минува слободното време со неа. Но, таа сакаше да се посвети на својата кариера и да го усоврши изгледот. Постојано е во сала за вежбање“, открива изворот.
Изворот признал дека и неговите пријатели премногу се загрижиле за состојбата на Бен.
„Тој не им зборува многу за Ана, но сигурно е дека нивната врска е готова, со оглед на тоа колку е тажен и кутар. Најмногу се плаши да не стане повторно зависен од алкохолот, проблем што едвај го реши и кој му го уништи бракот со Џенифер Гарнер. Џенифер е повторно подготвена да му помогне ако е потребно“, открива изворот.
