Линда Евангелиста (58), канадски супермодел, јавно проговори дека е жртва на насилство од страна на нејзиниот бивши сопруг, и испрати силна порака за поддршка на жртвите кои пријавуваат насилство и сексуална злоупотреба.
Супермоделот призна дека била злоставувана во нејзиниот петгодишен брак со Џералд Мари, со кој била во брак од 1987 до 1993 година.
„Сфатив дека можеби сум во погрешна врска. Полесно е да се каже отколку да се направи – напуштање на навредлива врска. Не е само да се каже „Сакам развод, се гледаме”… тоа не функционира така. Но, тој знаеше дека не можеше да го допре моето лице, што му донесе пари“, изјави Евангелиста, пренесува Дејли Мејл.
Во 2020 година, неколку жени го обвинија Мари за силување и сексуална злоупотреба, а Евангелиста призна дека верувала во нивните тврдења, пофалувајќи ја нивната храброст и сила. Таа откри дека и дале храброст да проговори, но дека нивните обвинувања и го скршиле срцето.
„Би сакала правдата да биде задоволена и таквите луѓе двапати да размислат и да се плашат, а жените да знаат дека не се сами“, рече таа.
Таа претходно изјави дека поради своето искуство им верувала на девојките кои го пријавиле за силување и сексуален напад во 1980-тите и 1990-тите додека работел за Елита во Париз.
„За време на мојата врска со Џералд, не знаев ништо за овие сексуални наводи, па не можев да им помогнам на овие жени. Слушајќи ги сега, и врз основа на моето искуство, верувам дека ја кажуваат вистината, затоа што тоа се рани кои можеби никогаш нема да зараснат и се восхитувам на нивната храброст и сила“, изјави таа претходно за Гардијан.
Мари е обвинет за силување на најмалку 13 манекенки, од кои некои биле малолетни, на возраст од 14 години. Француските обвинители ја затворија истрагата во февруари затоа што за наводните злосторства било потребно предолго да се гонат според францускиот закон кој поставува временски ограничувања за злосторствата да се судат пред суд.
