Совршен син дијамант, наречен „Блу Ројал“, може да стане најскапиот продаден скапоцен камен во светот кога ќе биде понуден на аукцијата на Кристис во Женева во вторник. „Блу Ројал“ е најскапиот предмет од колекцијата што ќе се најде на аукцијата на Женевското Езеро овој месец.
Колекцијата вклучува и бројни предмети од светот на филмската историја, па така во понудата ќе има и бисерен ѓердан што го носеше актерката Одри Хепберн во филмот Празник во Рим и часовникот на Марлон Брандо од филмот Апокалипса денес.
Синиот дијамант од 17,61 карати е најголемиот интензивно син скапоцен камен понуден на аукција, а бил поставен во прстен и бил дел од приватна колекција 50 години. На аукцијата на „Christie’s Magnificent Jewels“ се очекува „Блу Ројал“ да достигне цена од 32 до 46 милиони евра.
Живописните сини дијаманти со повеќе од 10 карати се исклучително ретки. Од своето основање во 1766 година, Кристис продаде само три такви дијаманти, сите во последните 13 години.
Булгари Блу беше продаден за 14,7 милиони евра во 2010 година, Винстон Блу за 22,2 милиони евра во 2014 година и Опенхајмер Блу за 53,6 милиони долари во 2016 година. Часовникот Ролекс ГМТ-Мастер од 1972 година на задниот дел има изгравирано „М Брандо“, со оскар крунисаниот актер.
Брандо тој часовник и го подари на својата ќерка Петра во 1995 година, која потоа му го подари на сопругот во 2003 година, а потоа тој подарок беше продаден на аукција во 2019 година за 1,8 милиони евра и се очекува да достигне цена во Женева од повеќе од два милиони евра.
