Прославениот југословенски скијач Бојан Крижај банкротира, па мора да ја продаде куќата како би ги подмирил долговите кои изнесуваат 1,7 милиони евра. Куќата има 711 квадрати, а се наоѓа на парцела од 19 илјади квадрати во градот Тржице кој е блиску до австриската граница. Иако беше еден од најдобрите скијачи на сите времиња, сепак во бизнисот не се снајде најдобро.
Најпрво увезуваше австриско пиво во Словенија, а работеше и како советник за спортската опрема „Елан“, меѓутоа истото не вроди со плод. Фирмата Сортитус во Хрватска исто така му пропадна, а среќа немаше ниту со сточниот комплекс во Копер.
Лошите инвестиции на Крижај конечно дојдоа на наплата, па сега човекот на кого му се воодушевуваше цела Југославија мора да остане и без својата куќа.
