Вчера светскиот поп-хит Baby One More Time на Бритни Спирс одбележа 20 години од своето објавување.
Една од песните кои во целост ја променија светската поп-сцена е дебитантскиот сингл на Бритни Спирс – Baby One More Time.
Вчера 36-годишната пејачка споделила кратко видео на својот твитер-профил токму во чест на глобалниот хит од 1998 година.
Спирс им се заблагодари на своите обожаватели кои ја поддржуваат нејзината работа во текот на сите овие години.
It’s hard to put into words what today means to me… 20 years ago, the world heard my music for the very first time! So much has happened since then… but what I really want to say is thank you to my amazing fans who have been there for me since day 1… pic.twitter.com/oeMipXCSl9
— Britney Spears 🌹🚀 (@britneyspears) October 23, 2018
Бритни исто така објавила и кратко видео на својот јутјуб-канал кое во целост е посветено на 20-годишнината од нејзиниот хит Baby One More Time. Во кратката снимка се прикажани кадри од музичкото видео, како и исечоци од сетот и некои интервјуа кои таа ги дала за светските медиуми.
Во периодот кога го објавила синглот ни самата Бритни не претпоставувала дека токму тој ќе ѝ ја донесе светската слава. Откако ја слушнала демоснимка од песната што ја напишал Макс Мартин, пејачката се согласила да замине за Шведска и таму да ја сними песната, како и неколку други синглови кои требало да се најдат на нејзиниот прв албум.
Иако била релативно непозната пејачка во време на објавувањето на Baby One More Time, песната долго се задржа на врвот на светските музички топ-листи, а до денес се продадени повеќе од десет милиони примероци од наведениот сингл, наведува „Билборд”.
