Поранешниот кошаркар на ЛА Лејкерс, Шекил О’Нил, вели дека не може да се помири со трагичната смрт на еден од неговите најблиски пријатели, Коби Брајант и на неговата ќерка Џиџи. По веста за хеликоптерската несреќа, во која загинаа тие, Шекил сподели неколку заеднички слики со НБА-легендата, со порака дека во несреќата изгубил брат и внука.
„Нема зборови со кои можам да ја искажам болката низ која поминувам сега во овој тажен и трагичен момент, кога ги загубив мојата внука Џиџи и мојот брат Коби Брајант. Ве сакам и ќе ми недостигате. Сочувство до семејството Брајант и до семејствата на другите загинати. Во моментов ми е многу мака“, напиша Шекил на „Твитер“.
О’Нил и Брајант играа заедно осум сезони во тимот на ЛА Лејкерс. Според многумина, тие оставија силен печат на модерната НБА, а поставија и рекорди во кошаркаа што и неколку години по нивното повлекување не се урнати.
There’s no words to express the pain Im going through with this tragedy of loosing my neice Gigi & my brother @kobebryant I love u and u will be missed. My condolences goes out to the Bryant family and the families of the other passengers on board. IM SICK RIGHT NOW pic.twitter.com/pigHywq3c1
— SHAQ (@SHAQ) January 26, 2020
