Канадскиот премиер Џастин Трудо уште еднаш ја воодушеви светската јавност кога на панел-конференција организирана во рамките на Генералното собрание на Обединетите нации се појави со чорапи со ликот на Чубака од „Војна на ѕвездите“.
Трудо е познат по својот чуден, а сепак храбар избор на чорапи. Нестандардните чорапи со разни ликови и во впечатливи бои се негов заштитен знак. Многу млади денес го сметаат за свој моден идол и го копираат неговиот стил – класични чевли и панталони дополнети со нестандардни чорапи.
Чорапите со ликот на Чубака особено им се допаднаа на фановите на култниот филм, кои оставија бројни позитивни коментари под фотографиите објавени на социјалните мрежи.