Популарната холивудска актерка Џенифер Анистон (52) му се врати на својот поранешен партнер, американскиот пејач, текстописец и гитарист Џон Мајер (43), пишуваат светските медиуми.
Како што пренесува магазинот Who, двајцата биле видени како излегуваат од ресторан, а претходно фановите тврдат дека го виделе и нејзиното куче на неговиот профил на апликацијата „Тик-ток“. Познато е дека Џенифер ретко се двои од својот миленик, па многумина сметаат дека во тие моменти таа била заедно со него.
За потсетување, двојката беше заедно речиси една година, во 2008 и 2009 година. Се запознаа на забава за „Оскарите“, но нивната љубов не траеше долго. Се шпекулира дека причината за тоа е затоа што Џон ѝ бил неверен и дека не сакал да се венча со Анистон.
