Популарниот актер Џони Деп се пожали дека од Холивуд го бојкотирале поради лажните обвинувања дека ја претепал поранешната сопруга Амбер Херд.
Тој во интервју за британскиот магазин The Sunday Times изјави дека минатата недела неговиот последен филм Minamata премиерно бил прикажан во Обединетото Кралство, но засега немало најави кога тоа и дали воопшто истото ќе се случи и во САД.
„Холивуд ме бојкотира поради лажни обвинувања. Работам на тоа да ја извадам вистината на виделина“, рече тој.
