Џорџо Армани евакуиран од Сицилија поради пожар

By

Модниот дизајнер Џорџо Армани и уште триесетина луѓе беа принудени да ги напуштат своите вили во текот на ноќта поради пожар што се случи на сицилијанскиот остров Пантелерија.

dobivaj vesti na viber

Според странските медиуми, пламенот се заканувал да ја зафати и вилата на Армани, но неговата прес-служба соопшти дека тоа не се случило, туку дека Армани и неговите гости во текот на ноќта биле евакуирани на брод во блиското пристаниште.

Шефот на регионалната агенција за цивилна заштита, Салваторе Кочина, рече дека се сомнева дека пожарот е подметнат, а околу 30 луѓе биле принудени да побараат засолниште во побезбедните делови на островот.

Градоначалникот на островот, Винченцо Кампо, изјави за новинската агенција АНСА дека двајца Канаѓани работат на гаснење на пожарот.

„По големиот страв од синоќешните настани, Пантелерија се враќа во нормала. Изгледа дека најлошото помина. Пантелерија, лоцирана помеѓу Сицилија и Тунис, е популарна дестинација за плажа и пешачење што вклучува антички археолошки локалитети и природни географски формации“, рече Кампо.

Ќе ви се допадне