Музичкиот документарец George Michael: Freedom премиерно ќе биде прикажан на 21-ви октомври на телевизискиот канал Showtime. Филмот, кој во најголем дел е снимен пред смртта на George Michael на 25-ти декември 2016-та година. Филмот содржи интервјуа со Stevie Wonder, Elton John, Ricky Gervais, Nile Rogers, Mark Ronson, Tracey Emin, Liam Gallagher, Mary J. Blige, Jean Pоul Gaultier, James Corden и Tony Bennett.
Освен спомнатите музички ѕвезди, за целта на овој документарец повторно се собираат супермоделите од видео спотот “Freedom! ’90” односно Naomi Campbell, Christy Turlington, Cindy Crawford, Tatjana Patitz и Linda Evangelista. Според кабелската телевизија на која ќе биде прикажан документарецот, филмот го опфаќа периодот на целата кариера на George Michael, но највеќе се концентрира на периодот по кариерата во Wham! а пред и после издавањето на можеби најважниот албум во неговата кариера, односно вториот соло албум Listen Without Prejudice Vol. 1, како и судската битка против дотогашната издавачка компанија.
