Ен Хеч купила перика 20 минути пред да загине, фризерот објавил фотка без да знае за сообраќајката

By

Американската актерка Ен Хеч почина на 54-годишна возраст откако беше исклучен апаратот за одржување во живот. Таа почина една недела по страшната сообраќајна несреќа што ја доживеа во Лос Анџелес, објави Дејли мејл.
Тажната вест ја соопшти нејзината пријателка Ненси Дејвис, пренесува Шоубиз 411.

dobivaj vesti na viber

Актерката доживеала мозочна смрт и лекарите изјавиле дека повеќе нема да живее, пишува Дејли мејл. Ен ја одржувале во живот машини кои помагале да функционираат виталните органи бидејќи актерката е на списокот на донатори на органи.

Медиумите објавија и што правела Хеч непосредно пред несреќата. Таа позирала насмеана само 21 минута пред да доживее страшна сообраќајна несреќа.

 

View this post on Instagram

 

A post shared by Glass Hair Design (@glasshair)

Најновата фотографија на 53-годишната Ен открива дека го посетила фризерскиот салон Glass Hair пред несреќата, а сопственикот сподели фотографија од неа на Инстаграм откривајќи дека купила перика од 125 долари и ја опиша како прекрасна личност.

„Ја запознав Ен Хеч денес, таа по случаен избор купи црвена перика од мене“, напиша тој покрај објавата. Еден час по објавувањето на фотографијата, неговото сандаче било преплавено со пораки бидејќи се дознало дека Ен е во критична состојба и дека е итно пренесена во болница.

Ен пред една недела имаше тешка сообраќајна несреќа. Таа со својот автомобил удрила во гаража, а од силината на ударот автомобилот и целата куќа се запалиле. Портпаролот на полицијата во Лос Анџелес во понеделникот изјави дека причината и околностите за несреќата се под истрага.

Најмрачното сценарио дојде на крајот, а актерката ќе остане запаметена по одличните улоги, но и по тажниот живот што го живееше.

По веста за смртта на Хеч, на социјалните мрежи се огласи и познатата телевизиска водителка и комичарка Елен Деџенерис, со која беше во романтична врска во 90-тите.

„Ова е тажен ден. Ја испраќам сета моја љубов на децата, семејството и пријателите на Ана”, напиша Елен на својот Твитер профил.

Ќе ви се допадне