Американската ријалити ѕвезда Ким Кардашијан Вест и официјално за првпат влезе во клубот на милијардери, објави магазинот „Форбс“
Нејзиното богатство се проценува на една милијарда долари, благодарение на козметиката и облеката, приходите од телевизија, рекламни договори и инвестиции, пишува списанието Форбс. Од таму наведуваат дека Ким има удел и во низа други приватни компании и иако точните податоци не се објавени, Ким вкупно тежи повеќе од милијарда долари.
Ким е една од 2.775 личности на листата на милијардери на „Форбс“, на чие чело се наоѓа Џеф Безос со 177 милијарди долари.
Нејзиниот сопруг Канје Вест, од кого Кардашијан е во фаза на развод, веќе се наоѓа на оваа листа со проценето богатство од 1,8 милијарди долари, но ја нема нејзината полусестра Кајли Џенер. Таа беше отстранета во мај, кога магазинот го обвини ријалити-семејството дека ја надувало вредноста на нејзиниот козметички бизнис.
