Се чини дека дури ни Кејти Пери не страдаше долго по раскинувањето на нејзината долгогодишна врска, а утеха пронајде кај поранешниот премиер на Канада, Џастин Трудо.
Откако Орландо Блум започна гласини за нова романса, која ја започна за време на престојот во Венеција, дојде редот на неговата поранешна сакана – Кејти Пери.
Таа го пронајде „спасот“ од емотивниот бродолом во поранешниот канадски премиер Џастин Трудо.
Според списанието TMZ, Пери и Џастин Трудо неодамна беа фотографирани на вечерно излегување, односно беа фотографирани од папараците во ресторанот „Le Violon“ во Монтреал.
Судејќи според фотографиите, пејачката и поранешниот премиер воделе сериозен разговор, а вниманието на фотографот го привлече Кејти, која во еден момент се наведна над масата за подобро да го чуе својот соговорник.
Извор за TMZ кажал дека двајцата уживале во пиењето коктели, и дека насмевките на нивните лица биле присутни цело време.
Да ве потсетиме дека пејачката Кејти Пери и актерот Орландо Блум официјално го потврдија крајот на нивната врска што траеше речиси 10 години на почетокот на овој месец. Претставниците на овој, сега веќе поранешен пар, дадоа кратка изјава за медиумите:
„Поради големиот интерес и бројните приказни за врската на Орландо Блум и Кејти Пери, потврдуваме дека Орландо и Кејти ја променија природата на нивната врска во последните месеци и се фокусирани исклучиво на родителството“, рекоа тие.
