Ламин Јамал повторно е во центарот на вниманието – но овој пат поради неговиот љубовен живот. Се верува дека младиот фудбалер на Барселона е во врска со британската инфлуенсерка Лили Роланд.
Ламин Јамал и Лили Роланд наводно се во романтична врска, а оваа шпекулација беше поттикната од реакцијата на фудбалерот на Инстаграм. Имено, Јамал „лајкнал“ неколку објави од оваа инфлуенсерка, што навело многумина да поверуваат дека ова е почеток на романтична врска.
„Тие не се следат еден со друг, но ги лајкуваат објавите еден на друг. Интересно е што оваа девојка неодамна беше во Барселона, а веќе знаеме дека овој фудбалер нема толку лесно да почне да ја следи на социјалните мрежи“, изјави новинарката Ена Гурги.
Која е Лили Роланд?
Лили е млада инфлуенсерка која е родена во Лондон и е позната по своите објави на социјалните мрежи за мода, патувања и убавина. Од 2020 година, таа соработува со големи брендови, како што се: „Диор“, „Ив Сен Лоран“, „Рабан“, „Ало“ и „Викторија Сикрет“.
На социјалните мрежи, често го покажува својот живот во неколку градови, вклучувајќи ја и Барселона, каде што престојува и од деловни и од лични причини. Очигледно, ги следи и натпреварите на Барселона.
