Холивудскиот глумец Бред Пит вчера носел кутии со храна за сиромашните семејства во Лос Анџелес. Глумецот со часови возел камион низ градот, утоварал и истоварал кутии со храна, додека луѓето чекале во ред да земат хуманитарна помош, пишуваат американските медиуми.
Сепак, повеќето од нив воопшто не го препознале актерот, кој носел маска и очила за сонце. Дури откако застанал на пауза за кафе и цигара, па ја извадил маската, тие дознале дека Пит е тој што им ја носи храната.
За да биде целото чекање во ред забавно, во еден момент, Бред од камионот извадил преносен звучник, го поврзал со неговиот мобилен телефон и им пуштил музика на насобраните.
