По церемонијата на крунисување на кралот Чарлс Трети (74) во саботата кралското семејство го прослави настанот со концерти на познати пејачи. 20.000 луѓе присуствуваа, а дури и Чарлс во еден момент танцуваше. Кралот се опушти на концертот на Лајонел Ричи, а неговите танцови потези не останаа незабележани на социјалните мрежи.
„Ова е толку слатко за гледање“, „Знаевме дека е добар танчер уште од она видео каде што танцува брејкденс“, беа дел од коментарите.
#PrincessCharlotte, #PrinceGeorge #PrinceEdward and all dancing to @LionelRichie 🕺🏼💃🏼#RoyalFamily #TheKing #KingCharles #QueenCamilla #PrinceWilliam #PrincessofWales #coronation #coronation2023 #coronationconcert pic.twitter.com/o6TDhVVn2g
— Forever Creatives (@ForeverCre8tive) May 7, 2023
Да потсетиме, во 1985 година, принцот Чарлс учествуваше на собирот „Младите се среќаваат со индустријата“, а младите му ги покажаа на принцот своите танцувачки вештини. Откако бил поканет да им се придружи, Чарлс се согласил и ги покажал своите танцувачки вештини.
King Charles III attempting to breakdance back in the day. pic.twitter.com/pw4OZLRFkg
— Emily Hewertson 🇬🇧 (@emilyhewertson) September 21, 2022
Заедно со кралот, добро расположени беа и принцезата од Велс, Кејт Мидлтон, принцезата Шарлот, принцот Џорџ, принцот од Велс, Вилијам и кралицата Камила.
Освен Лајонел, публиката ја забавуваа и Кети Пети, Никол Шерцингер, Тива Севиџ, Палома Фејт и Андреа Бочели.
Обраќајќи ѝ се на публиката за време на концертот, принцот Вилијам кажа дека покојната кралица Елизабета Втора би била горда мајка.
„Таа е горе и сите нè држи на око. Тато, сите многу се гордееме со тебе и со твоите постигнувања во последните 50 години. Јас посветено ќе ви служам на сите, кралот, земјата и Комонвелтот“, изјави првиот престолонаследник.
