Годинашната „Мет гала“ повторно на едно место ги собра највлијателните личности од светот на глумата, модата и музиката. Домаќин на популарните Оскари на модата беше уредничката на „Вог“, Ана Винтур, а почесни домаќини на вечерта беа Ријана, Амал Клуни и Донатела Версаче. Гостите, пак, на црвениот килим прошетаа со гламурозни, невообичаени и секси фустани, дизајнирани според темата „Небески тела: модата и католичката имагинација“. Тие наликуваа на чесни сестри, носеа фустани украсени со крстови, крилја, ореоли и религиозни детали.
„Мет гала“ датира од 1948 година. Приходите од оваа манифестација што повторно се одржа во њујоршкиот музеј „Метрополитен“ одат во хуманитарни цели.