Џастин Балдони, наводно, се подготвува за голема контратужба против Блејк Лајвли, откако таа го обвини за сексуално вознемирување на сетот на филмот „It Ends With Us“. Како што пишува Дејли Мејл, актерот и режисер планира да ги достави документите штом ќе продолжат судовите да работат, по празниците.
„Нема да кажам кога и колку тужби ќе поднесеме, но кога ќе ја поднесеме првата, тоа ќе ги шокира сите што беа изманипулирани да веруваат во очигледно лажна приказна“, изјави адвокатот на Балдони, Брајан Фридман, за Дедлајн во саботата.
„Тоа ќе биде поткрепено со докази и ќе ја каже вистинската вистина. Во повеќе од 30 години правна практика, никогаш не сум видел вакво ниво на неетичко однесување намерно поттикнато преку медиумска манипулација“, додаде тој.
Според Дејли Мејл, тужбата целосно ќе го наруши наративот на Блејк Лајвли која тврди дека Балдони и неговиот ПР тим започнале кампања за оцрнување за да ја уништат нејзината репутација. Наместо тоа, противтужбата ќе го обвини ПР менаџерот на Лајвли, Лесли Слоун дека токму таа започнала кампањата за клеветење против Балдони. Слоун го коментираше извештајот за „Дедлајн“, наведувајќи: „Јасно е дека г-дин Балдони и неговата фирма Wayfarer Associates сугерираат дека сум подметнала медиумски приказни за поплаки на работното место, што е лажно“.
Понатаму, во противтужбата ќе се тврди дека пораките што Лајвли ги добила преку судски налог, а кои наводно го инкриминираат тимот на Балдони дека разговарале како да ја нарушат нејзината репутација, биле погрешно протолкувани. Тимот на Балдони, исто така, наводно планира да тврди дека Лајвли ја поднела тужбата само за да ја поправи својата репутација по негативното медиумско покривање во текот на летото додека го промовираше It Ends With Us.
