Холивудскиот актер Кевин Спејси флертувал и спиел со 19-годишниот Џон Бароуман, вака било кажано на судењето на актерот. Адвокатите на Спејси тврдат дека ништо несоодветно не се случило меѓу двајцата актери откако биле во станот на Кевин.
Деталите од нивната средба беа откриени во судницата во Њујорк како дел од граѓанската тужба против оскаровецот од актерот Ентони Рап, кој тврди дека бил цел на сексуален напад од Кевин Спејси на забава.
Според последното сведочење, Спејси ги поканил и Бароуман и Рап на вечера откако се запознале, а подоцна и во клуб. Адвокатката на актерот, Џенифер Келер, тврди дека Спејси не му понудил алкохол на Рап и дека тие двајца не биле сами.
Келер додаде дека Бароуман и Спејси не учествувале во никаква сексуална активност додека лежеле во кревет поради присуството на Рап. Бароуман, наводно подоцна му испраќал на Спејси цвеќиња, а тој често ги повикувал Бароуман и неговата мајка.
За потсетување, Спејси е обвинет во Британија за пет кривични дела – четири точки за сексуален напад со допирање и поттикнување на лице да изврши сексуален пенетративен чин без согласност. Обвинителите велат дека Спејси принудил маж на орален секс.
