Актерите од серијата „Игра на тронови“, Кит Харингтон и Роуз Лесли го добија нивното второ дете.
Публицистот на Харингтон ја потврди веста за новинската агенција PA во понеделникот.
„Воодушевени се што можат да посакаат добредојде на своето девојче“, рекол извор близок до парот.
Англискиот актер Харингтон (36) и шкотската актерка Лесли (35) се запознаа додека глумеа заедно во серијата на HBO, која заврши во 2019 година по осум сезони.
Харингтон го играше Џон Сноу во „Игра на тронови“, а Лесли ја играше дивата Игрит, која беше позната по нејзината реплика „Не знаеш ништо, Џон Сноу“.
Двојката се венчаше во 2018 година во домот на предците на Лесли во Абердиншир пред да го објават раѓањето на нивниот син во февруари 2021 година.
Актерот претходно признал дека е преплашен повторно да стане татко, бидејќи со првата бременост шетал по облаци девет месеци.
Говорејќи на „The Tonight Show Starring Jimmy Fallon“ во САД во февруари, Харингтон за својот двегодишен син рекол – „Тој ќе го добие шокот од неговиот живот, а тоа е дека ќе добие брат или сестра. Преплашен сум“.
