„Куќата беше покриена со крв како во хорор филм“, сведочеше сестрата на Амбер Херд

Сестрата на американската глумица Амбер Херд, Витни Хенрикез, сведочеше во судот во Лондон, каде се одвива судскиот процес, во кој Џони Деп е обвинет за семејно насилство.

Таа открила што Деп и правел на Амбер низ годините додека биле заедно. Витни сведочела дека кога била во посета на нивната куќа која ја изнајмиле во Австралија, истата била целата покриена со крв и дека изгледала како сцена од некој хорор филм.

Херд повторно пред судот во Лондон приложи нови докази против Џони Деп и насилството кое тој го извршувал врз неа. Таа тврди дека тој бил насилен кон неа низ бракот. Амбер ја приложила сестра ѝ како сведок, а потоа ја опишала страшната кавга во која влегла со Деп и која се случила во Австралија во 2015 година.

Хенрикез ја потврдила приказната, иако вели дека во тоа време не била со нив. Херд како доказ приложила и фотографии од куќата, која целосно била покриена со крв.

„Постојано плачеше кога се врати во Лос Анџелес. Ми говореше што и правел за време на кавгите. И тогаш не криеше дека сопругот ја злоставува“, изјавила Витни.

„Ги видов нејзините повреди. Не ги криеше од мене. Нејзината усна беше потечена и малку искривена Имаше гребаници на рамењата, па помислив дека и ги нанел со нож“, изјавила Витни.

Херд и објаснила на сестра ѝ дека гребаниците ги добила од скршеното стакло кое летало на сите страни, откако ги кршел шишињата и чашите.

„Ми кажа дека многу пиел и земал екстази, а потоа ја удирал. Во еден момент си го исече прстот и по ѕидот почна да пишува со крвта“, објаснила Витни.

За потсетување, Џони Деп тврди дека Амбер е таа која му го пресекла прстот, откако претходно фрлила кон него шише и дека таа е таа која вршела семејно насилство над него.

 

Scroll to Top